Kris's pov :

Loubna 7amla ??! la hadshi maymkench !
Kris : choufi, ila kenti katrigli, ra ghan wa3tek !
Dina : Achmen twa3etni lay hdik ! l'mouhim, ana wa3edtha bili maghada ngoulha l ta wa7ed, walakin b9iti fiya a wjah l'7abs !
Kris : Ana wjah l'7abs ana ?!
Dina : Wa sir khlass !
Kris : Ha houwa ghadi ! choufi , chi nas bghaw idwiw m3ak
Dina : Chkoun ?!
Kris : b9ay hna w ghada t3arfi ;)

mchit l'dar l'dakhel houwa iw9ef 3liya Kai
Kai : amdra ach derti ?
Kris : Raha katsenak temma, walakin ga3ma 3arfa bili nta li baghi dwi m3aha.
Kai : l'3ez !

Khalit Kai , w mchit ana chedit taxi

Soukaina's pov :

Dazet wa7ed rbe3 sa3a, wana noud nechta7 m3a Eunhyuk 3awtani, chwiya w houwa yjourni men idi.
Eunhyuk : Aji m3aya
Soukaina : fin ?
Eunhyuk : Ghi aji ;)

Mchina lwa7ed l'couloir khawi, mafih 7ad. Chwiya, Eunhyuk dfa3ni 3la l'7ayt w ched liya idiya bjouj, w bda ki chem liya 3en9i ..
Soukaina : E-E-Eunyuk ??!!
Eunyuk : Kat3ajbini, dayra f7al shi mounika, l'wa7ed ghi ikhetfek wihroub, w had l'keswa jatek sem ..

A nari ! Awili 3la ikhtefni wihroub ! w tana labsa had l'keswa las9a ki tiyou, ma3endi manelbess !
Soukaina : B-ba3ed meni ! ba3ed meni wla ghanghawet w nejma3 3lik 9awm rebbi l'3alamin !
Eunhyuk : Ghawti, ila sem3ek shiwa7ed aji sewki liya !
Tle9 liya men idi w bda ki hez f l'keswa, ghtanemt l'forsa w 3titha lih l'wden, w zedtou wa7ed rossiya ! w 3ale9t f7ali

mchit bash n9aleb sa3a mal9ithach, w makayn tawa7ed ken3arfou bash iweselni l'dar . Ma3andi mandir, ghanemchi bou7di, wakha tri9 twila.
Khrejt men dik dar w chedit tri9 l'darna. Chi ness sa3a wana kanemshi w ba9a madrebt ta ness tri9. w derouni rjliya bezaf. 3amerni kan is7ab liya bili Eunhyuk men dak nou3, tesdemt fih. Tfou ana ma3endi zhar !

Yalah ghan 7et 9azibti 3la wa7ed l'3atba wana nesme3 smiti. Hezit rassi ban liya wa7ed D.O jay kijerri .
D.O : Malek khrejti men l'7afla bekri ??
Soukaina : Ach ghagoulik aweda Kyungsoo, khaliha 3allah w safi ..
D.O : 3refti, ch7al hadi ma3eytou liya b smiti .. Haki
7ayed la veste dyalou w 3taha liya. w9eft w dertha 3la ktafi.
Soukaina : Choukran
D.O : makayn lash, daba gouli liya malèk .
Soukaina : Kent dayra m3a deriyat bash nemshiw l party, w temma kan dak derri jdid li smitou Eunhyuk, nedna nchet7ou, chwiya bda kitbessel 3liya, drebtou w zedt f7ali. Bel 7a9 li ma3andou zhar ma3andou 7ta f kheliyan dar bouh !
D.O : Matgoulish hakak, Katew9e3 ..

Chwiya ta ken7ess bihjerni l'3andou w 3ene9ni. Lah sedrou ch7al dafi !
Soukaina : 3refti men imta ma 3ene9tini f7alaka ?
D.O : mmm .. nhar ta7 lik labani fou9 sebat jdid w b9iti katebki !
Soukaina : bla matfekerni f dik chouha ! wa inama, mezyan meli 3a9el ..
D.O : Kounjat 3liya koun b9it dima kan3an9ek ...

Hezit rassi, ban liya D.O mzeneg chwiya w 3winatou ki briw .
Soukaina : w 3lash madertihach ?
D.O : kheft la may3ejbekch l'7al ..
Soukaina : w chkoun galha lik ? koun dertiha makentch ghangoul la
D.O : Iyèèh ! bghiti neb9a dima n3an9ek ?
Soukaina : mhm ..
 
He leaned down and placed his lips on mine softly, with his arms wrapped around my waist ... This is the best feeling ever ..

Do Kyungsoo, Saranghaeyo...
 

Dina's pov :

B9it wa9fa kentsena w l'berd kidrebni l'jnabi, shi toulout sa3a wana 3la berra. Sir ya Kris lay legiha lek !
Dert ghada nemshi f7ali, w hiya tban liya shi7ajakat khash-khash moura shjer, 9erebt b'chwiya w houwa yban liya wa7ed ch3ar marron , tale3 l'sma ki l'3afiya. 3reft chkoun moul had che3kaka ..

Dina : khrouj a Kai, 3reftek kayn temma .
 

Kai's pov :

Nari 9ech3atni ! Tfou !
Khrejt bechwiya moura shejra w sest 7wayji men trab.

Kai : euuh .. salam ..
Dina : Wa 3alaykoum mitlouha, ach 7eb l'khater ?
Nari banet liya ka3ya ! Kent baghi ngouliha "l'khaer 7ebek nti" walakin kheft la tsliha m3aya !
Kai : bghit nedwi m3ak..
Jeritha men dra3ha w reye7na f'wa7ed derja, w b9ina saktin, ta dwit ana ..
Kai : Makayn walou bini w bin Krystal ..
Dina : A ?
Kai : Ana w Krystal mabinatna ta7aja, hiya li katlese9 fiya wlah ..
Dina : Euuh .. mezyan, 7sen lik tefra9 m3aha ..
Kai : kifash netfre9 m3aha wana ga3ma msa7eb m3aha aslan ?
Dina : Ze3ma, khasek tfahemha bechwiya, m3a hiya 39elha sghir, fehemha f7al drari sghar, Hiya ra mamezyanash ..
Kai : nti ze3ma mezyana ! ""mumble""
Dina : w mali ma3jebteksh u.U ??!
Kai : la, ket3ejbini , w bezaf ga3..

Dina's pov :

Kitrigel 3liya hada !
Dina : kedab ! sir ba3ed meni awa !
Nedt bagha nemshi f7ali, w houwa y3ane9ni men lour (( ze3ma 'back hug' :3 ))

Kai : wlahima kanekdeb , wa 7a9 man ba3ata Mohamed, ra kanbghik a Dina, men a3ma9 9albi ...
7essit b'9albi ki dreb b'jahd, l darajat kan ghadi skout f ayatouha la7da ! Ra ta ana kanbghih, walakin mane9derch ngoulha lih, nari ottokae ?!
Galek l'af3al tou3abirou 3an l'a9wal ...

Dert bchwiya l3andou w w9eft 3la sbi3at rejliya, w... Besotu .
Lah ya sidi rebi lah !! 7essit b rassi kantir f sma ..
 

Loubna's pov :

Kent mrey7a ma3liya ma biya f salon, kan khamem f had l'mossiba. 3andi 2 dyal l'ikhtiyarat , ya ndir l'avortement, ya ntjewej w nwled wlidi ...
Hzit Lay's men fo9 l'canapé w bdit kan khshi f wejhi. Zbel dyal merendina melyou7 f lard, w les canettes dyal '7 up' m3amrin tabla . Chwiya wana sme3 de9an, nedt bash n7el wana haza paquet dyal Lay's f'idi..

Ghi 7alit l'bab, ta7 liya l'paquet men idi ..

Nari ...