“Pabili neng, 20 pesos nga na pandesal at isang great taste twinpack”

dali dali akong pumunta sa loob para kumuha ng hot pandesal para kay nanay, alas kwatro palang ng umaga ay andami ng bumibili ng pandesal

isama mo pa ang mga tricycle driver na nasa pila na upang maghanapbuhay sila naman tong suki namin sa timpla kape, kami ni ningning ang laging nagbe-benta sa bakery at si tita naman ang nagma-masa o gumagawa ng tinapay

baka nagtataka kayo bakit tita ang tawag ko sa nanay ni ningning, pinsan kami mga akla

since birth hindi na kami mapag-hiwalay, paano ba naman si gaga nau-uto ng mga kalaro naming bata sa labas

nung elementary lagi kaming hatid ni lola papuntang eskwelahan dahil sa dilim pa ng umaga sa probinsiya, lagi ring pinapaalala sakin ni lola na lagi kong babantayan si ningning dahil nasa musmos pa nga lang siya noon

maaga ang kanilang uwian kaya lagi kong sinasabihan na antayin ako para sabay kami sa pag-uwi dahil magagalit si lola, kaya nakikita ko siya lagi sa covered court na nag te-ten twenty ung may garter kasama mga kaklase o kaibigan niya sa ibat ibang klase

noong mga panahong jejemon pa kami tuwang tuwa ako kasi binilhan kami ni tita nung magpapasko ng varsity jacket, kay ningning pula akin blue para rin kaming nasa encantadia kasi gusto ko talaga si amihan at siya nga daw si pirena, kaya kinumpleto namin ang simbang gabi habang suot ang aming varsity, lakas maka cool kid eh

kasama ko din siyang naadik sa mga pocket book, rini-rentahan namin ni ningning