Bakit ba gusto nating saktan ang isa’t isa?

Bakit ba gusto nating may masawi pang iba?

Hindi na ba sapat na tumutulo ang luha

Ng kawawang batang batuta na ngayo’y isang dalaga

 

Kala niyo okay lang siya kahit siya’y tahimik

Kayo pala ang dahilan kung ba’t di siya umiimik

Kunwari masaya kapag kasama niyo gumikik

Ngunit deep inside, gustong gusto niyang bumalik

 

Sa bahay nila, kung saan walang makakakita

Este, kwarto pala kung saan bumubuhos ang luha

Luha, o ang tumutulo niyang luhang banal

Luha, na nagpaparamdam na siya’y isang hangal

 

Walang ibang kausap, kaya sa Diyos nagdarasal

Feeling niya kasi isa siyang malaking sagabal

Sabi ng mga tao sa kanya, “Magpakatotoo ka.”

Pero bakit sila pa ngayon ang unang humuhusga?

 

Noon siya’y iiyak-iyak, na para siyang isang tanga

Ngayong siya’y masaya, sabi nila siya’y parang gaga

Hangal! Bakit niyo pa siya kasi pinatahan

Kung kayo ang dahilan kung bakit siya nasasaktan

 

Gusto niya lang gawin ang gusto niyang gawin

Kaya ngayon sa Diyos nalang siya nananalangin

“Tanggap niyo sana ako, kahit ako’y isang pasanin

Sa lahat ng tao, bakit kayo pa ang humusga sa’kin”

 

“Kayong mga magulang ko, ang aking naging salamin

Sa mga katotohanang matagal niyo nang gustong aminin

Kahit masakit, tatanggapin ko, sige itaga niyo,

Na para niyo na rin akong gustong saksakin”

 

Minsan naiisip ng dalaga

Na sana siya nalang ay nagkaroon ng amnesia

Dahil iyon lang ang magbibigay ng hustisya

Sa isip ng mga taong punong puno ng malisya

 

Naisip niyang, palagi nalang siya ang kawawa

Dahil sa totoo lang, siya’y sawang sawa

Sa buhay niyang palagi nalang inaapi

Ng mga taong nagsasabi na wala siyang silbi

 

Sa huli, wala siyang ibang magawa

Ang isip niya’y blanko, walang wala

Kasalanan ito ng henerasyong mapanghusga

At dahil na rin dito wala nang silbi ang kanyang mga baga

 

Hindi raw kasi siya, o hindi makahinga

Dahil sa mga paratang di kumakalma

Gabi-gabi, ang dalaga, tinitiis ang lahat

Kahit ang sakit sa puso’y kasing lawak ng dagat

 

Payo ko lang sa inyo kung may kaibigan kayo

Sana tratuhin niyo na para bang pasko

At huwag niyong saktan na parang siya ay napapako

Dahil sa kalooblooban siya’y naghihinalo

 

 

----

 

YO GUYS. NO PLAGIARIZING PLEASE. ;) --selcachiii

I made this rap/poetry for my friend

yo! peaceout. ;)