"Anong type mo, Seungwan?"

"Bakit mo naman natanong?"

"Ay bawal magtanong?"

"Eto naman di mabiro. Hmmmmm. Siguro type mo yung mabait, maganda, matalino at halos ka-height ko lang."

"'Yun lang?"

"Ay wait gusto ko rin yung magaling kumanta hehehe."

Biglaang tumayo si Joohyun at nag-akmang paalis.

"O san ka punta?"

"Pupunta lang ng bangko."

"Huh? Para saan?"

"Mag-wiwithdraw ako ng pera, pangtutor."

"Huh nandito naman ako! Pwede kitang tulungan sa mga subjects mo! Sayang pera, Hyun."

"Hindi naman kasi sa acads eh!"

"Eh para saan ba?"

"Gusto kong gumaling sa pagkanta."

Napangiti si Seungwan at niyakap ang kaibigan.

"Bakit ka pa magpapatutor e ang ganda ganda na ng boses mo? Yun nga favorite ko."

Napatigil si Joohyun at napatingin sa kausap na may nakakalokong ngiti pa sa labi.

"Hyun, boses mo ang pinakamaganda sa mundo." Ngumiti si Seungwan at niyakap si Joohyun. "Syempre after nung akin."

Nagtawanan ang dalawa at nag-ngitian nalang habang hinihintay tumunog ang bell para sa susunod na subject.