005 (1/2)
siomai rice06:30 AM
“ayusin mo yung hawak mo sa plastic mahuhulog na yung mga rekado byul” reklamo ni lisa na bugnot na bugnot na sa pamamalengke
“tirisin kaya kita jan ng malaman mo yung sakit ng kamay ko kaka-dala nito”
Alas 04:00 pa kasi ng umaga ay nandito na kami sa supermarket kaya badtrip na badtrip ang mga bading, paano ba naman kasi alam ng maaga dapat magising nag movie marathon pa pero hindi ko rin naman sila masisi dahil may kanya kanya na kaming buhay.
may kanya kanyang mga kamag-anak na maalala ka lang pag mangungutang, padagdag ng padagdag ang kamag-anakan mo na hindi mo malaman kanino nga ba ito inere.
ang mga bayarin sa bahay na pataas ng pataas, kuryente na mala ginto ang singilan kahit na maalikabok na electric fan at ilaw na tig si-singkwenta lang naman ang nagagamit mo sa pang araw-araw.
mga day off na inuuwi na lamang sa tulog dahil sa sakit o pagod ng katawan na dinulot ng trabaho, kung lalabas naman ay para bang nakaka-takot gumatos baka sa isang araw hindi mo mamalayan ay wala ka ng makapa sa iyong pitaka.
Comments