Maihahalintulad si Irene sa matumal na pag-ikot ng mundo sa araw. Ligtas sa yakap ng init at hindi mababalot ng lamig at dilim ng kalawakan. 

Si Seulgi ay isang bulalakaw na galing sa lawak ng dilim. Sa saglit na segundo ay binighani si Irene ng kanyang bilis at liwanag na tila'y mas nakakasilaw pa sa liyab ng araw. Sa isang tibok ng pulso sabay ang pagkisap ng mata, naglaho na sa kawalan.

Gayon pa man ay mananatili sa isipan niya na parang gintong bala sa puso. Ang butas na iniwan, binilog sa hugis ng bulalakaw.