Third Person's Pov

Eto na talaga yong sinasabi ni Winter sa sarili nya na realidad ng buhay mag asawa nila ni Karina, ramdam na ramdam nya na simula pa lang pagka gising nya kaninang ala singko ng umaga para ipaghanda ang asawa nya ng mga kakailanganin bago pumasok sa opisina. 

Isa na talaga syang ilaw ng tahanan, butihing may bahay ni Karina Yu at ina ng cute na abunjing nila na si Khio. Kung nasa bahay siguro sila sa probinsya ng ganitong oras malamang ay kakagising pa lang nya at hindi nya na iisipin pa ang aalmusalin dahil nakaluto na ang lola at nanay nya. 

Pero ngayon ay hindi na pwede, kahit na nga masakit ang balakang nya at kulang sa tulog ay kailangan nya asikasuhin ang asawa nya para ipagluto ito ng babaunin at aalmusalin, pagkatapos ay ang anak naman nila, dahil pagkagising nito ay ang pagpapadede agad dito ang magiging trabaho nya bilang ina.

Hindi naman sya nagrereklamo dahil kapag nanay ka na talaga ay wala na talagang pahinga, sabi nga nila ay hindi talaga natatapos ang oblisgayon bilang ina. Pasalamat na nga lang sya at maasikaso at may kusa si Karina, kaya napapagaan ang araw araw nilang responsibilidad. Si Karina pa mismo ang nagpupumilit sa kanya na magpahinga sya. 

"Hay, natapos din." 

Napatingin si Winter sa digital clock sa may ibabaw ng kitchen counter ng matapos nya i-hanay ang mga niluto nyang baon ni Karina pati na din ang aalmusalin nila sa lamesa. Natapos na ang unang trabaho nya ngayong umaga. 

"6:30 pa lang, mapapadede at malilinisan ko pa si Khio bago kami mag almusal." bulong nya sa sarili.

Tinakpan nya muna ang almusal nila at mamaya naman nya tatakpan ang adobong baboy na may pinya at kanin sa tupperware na baunan ni Karina na kakalagay nya pa lang dahil mainit pa at papasingawin pa nya ito. Eto din ang nagpagaan ng trabaho nya, dahil basta luto nya ay hindi pihikan ang asawa nya sa pagkain, hindi na sya nag iisip pa ng lulutin, pero sinisigurado din naman nya na masarap at healthy ang kakainin ni Karina. 

Pagkatapos ng gawain sa kusina ay umakyat na sya sa taas para gisingin na si Karina dahil alas otso ang pasok nito, maganda na din ang maaga nya itong pakilusin para makakain na din ito ng maayos bago umalis. Alam nya kasi noong dati na mag isa pa lang ang asawa nya ay kape lang inaalmusal nito, dahil sobrang busy na tao talaga si Karina, at isa pa, hindi din kasi marunong mag luto ang asawa nya. Kaya katulad nga ng sabi nya, sisiguraduhin nya na mapapakain nya ito ng tama. 

Nang makarating sya sa kwarto ay dahan dahan nyang binuksan ang pintuan, napangiti sya ng makita nyang tulog na tulog si Karina at Khio na kinuha na pala ni Karina sa crib nito. Napakadapa ang anak nila sa dibdib ng asawa nya, hindi nya napigilan ang matawa sa itsura ng dalawa ng makalapit sya sa mga ito.

"Pinag-biyak na pinya talaga eh, ang lago ng mga buhok." natatawang bulong ni Winter sa sarili ng makita nyang nagkalat ang buhok ni Karina at tayo tayo naman ang buhok ni Khio.

Maingat syang naupo sa gilid ng kama at binigyan nya ng halik ang dalawa sa noo pag katapos ay maingat nyang inayos ang buhok ng mga ito. Kung wala lang pasok si Karina, mas gugustuhin na lang sana ni Winter na hayaan na lang nya ang dalawa na matulog na lang dahil tila nasa kasarapan pa talaga ng tulog ang mga ito. Ang kaso nga malaki ang tungkulin ni Karina kaya kailangan na nya gisingin ito para makapag handa na. 

"Mahal..." 

"Mahal...gising na, papasok ka pa." mahinang tapik ni Winter ang balikat ni Karina para gisingin ito, pupungas pungas naman ito ng dumilat, ngunit tila wala ito sa wisyo, imbes kasi na tumayo ay yumakap lang ito kay Khio na nakadapa sa dibdib nito. Nakita nya din na pumikit ulit ito at bumalik sa pagtulog.

Napailing na lang si Winter sa inakto ng asawa nya.

Ala una na sila ng madaling araw halos nakatulog kagabi, na-budol na naman sya ni Karina sa isang beses lang daw, pero kung hindi pa umiyak si Khio ay malamang hanggang ngayon ay hindi pa sila tapos. 

"Mahal gising na, baka ma-late ka." ginising nya ulit ito ngunit umungot lang si Karina sa tawag nya at hindi manlang ito nag dilat ng mata o kumilos. 

"Isa Karina huh, gising na sabi." tinapik tapik na nya ito sa pisngi dahilan para makuha na ang atensyon nito at lumingon sa kanya pero nakapikit pa din at kunot ang noo.

Grabe lang yung eyebags at itim sa gilid ng mata ng asawa nya, parang nag sisi na lang si Winter, maling desisyon ata na nag-pills sya, baka ma-low blood na naman si Karina kakapuyat dahil sa panggigigil sa kanya. 

"I'm so tired mahal, hindi ako papasok." ungot nito, at nagbuntong hiniga pa. 

"Anong hindi? Akala ko ba may investors ka na ime-meet mamaya? Hala, tayo na dyan, yan ang sinasabi ko sayo eh, kung nakinig ka lang sa akin kagabi, eh di sana hindi masakit ang katawan mo."  inis na sermon nya dito.

"I'll cancel it, my back hurts mahal, ayoko pumasok, dito lang ako sa inyo." ungot ulit nito sa kanya. Naawa naman sya pero naiisip nya kasi yung mga empleyado ni Karina na naghihintay sa kanya na naghanda para sa araw na ito. 

"Uuwi ka din naman mamaya, nandito kami ni Khio pag uwi mo. Sige na, tayo na dyan mahal, sayang naman yung niluto ko na baon mo tsaka yung almusal kung hindi ka papasok." malambing na hinalikan ni Winter ang noo ni Karina at minasahe ang naka-kunot na kilay nito. 

"5 mins mahal, please?" mahinang sabi ni Karina, lalong naawa si Winter dahil namamalat na halos ang boses nito. 

"Oh sige, idlip ka na muna." tiningnan nya ang oras sa cellphone ni Karina at nakita nya na 6:40 pa lang naman, maaga pa, pwede pa kahit 15 mins na idlip ang ibigay nya kay Karina. "Akin na muna si Khio, para mapalitan ko ng diaper nya." kukunin na sana nya ang anak nila ng pigilan sya ni Karina. 

"Pinalitan ko na kanina mahal, kaya sya nandito, nagising sya mga ilang minuto pagkababa mo....Come here nanay, cuddle na lang pala gusto ko." yaya ni Karina sa kanya, inilahad pa nito ang braso nya para umunan dito si Winter. 

Napangiti si Winter tsaka sya lumapit kay Karina at hinalikan ito sa pinsgi bago sya sumiksik dito at umunan sa nakaabang na braso nito. Hinapit naman sya palapit ni Karina kaya yumakap na din sya sa dalawa. 

"Thank you mommy. I love you." 

"You're welcome nanay, I love you too." bulong ni Karina at naramdaman nya na hinalikan sya nito sa ulo. 

Ang totoo ay kahit sya ay sobrang inaantok pa, hindi rin nakakatulong na katabi nya ang asawa at anak nila. Kahit yata sa banig o papag lang sila mahiga mag anak basta katabi nya si Karina at Khio ay mapapasarap ang tulog nya. Inabot nya ang cellphone ni Karina at nagpa-alarm sya ng 15 minutes pa. Mahirap na, baka tuluyan na silang makatulog. Matutuluyan din ang pag-absent ni Karina.

______

Winter's Pov

Wala naman kami ginawa ni Khio mag-hapon sa penthouse pagkatapos ng sapilitan kong pagtataboy kay Karina para lang pumasok sya sa opisina. Nasa pinto na nga kami kanina para ihatid sya, pero ayaw nya pa din bitawan si Khio at hindi pa din sya tumitigil sa pagpilit sa akin na aabsent sya. Ginamit pa nga nya ako na sya daw ang boss kaya sya ang masusunod.

Pinandilatan ko nga ng mata, ayon pumasok din naman. 

Natulog lang din kami kanina bandang ala una ng tanghali pagkatapos namin i-videocall