“What the hell, babe?”

Unang sabi ni Seulgi pagkalabas niya ng CR matapos maligo.

“What now?”  

“Anong trip mo? Bakit “Bahala Na” na ng JaDine ‘yung tumutugtog sa laptop mo?”

Natawa lang ako sa sinabi niya.

“I need inspiration, babe. I thought supportive ka sa pagsusulat ko?” sabay pagka-halukipkip ko at tinignan siya ng pabiro.

“Di pa ba ‘ko sapat na inspiration for your writing?” Sabay ngisi niya.

Hayop na babaeng ‘to. Nang-a-ano eh.

“Gago.”

“Na-gago pa ko?”

Sobrang cute nung sincere ng pagtatanong niya, hindi na siya nasanay sa pagmumura ko every day, every night.

“Kinilig ako, sorry.” Sabay tingin ulit sa laptop ko.

“Sorry? You don’t have to be sorry. Come here.”

Ang hirap dito kay Seulgi, mabilis akong ma-distract sa mga pa-ganito niya. Pero siyempre di tayo papatinag.

“Kailangan kong magsulat, Seul.”

“Alright, I’ll keep you company.”

My turn.

“You are and will always be my company, Seul.”

At ayan na nga yung ngiti niyang nakakatunaw. Ako ‘yung nagpakilig pero ako ‘yung tinamaan sa kilig niya.

Ano ba naman ‘to, Lord. Pero sana hindi matigil ‘yung mga ganito namin.

“Tara, labas na lang tayo?” pag-aya ko sa kanya.

Lumabas kami at naglakad-lakad sa area malapit sa place niya—namin. Nauuna siyang maglakad, dahil kahit ako ang nag-aya, sadya ko na pinapauna siya dahil mas alam niya dito. Nakarating kami sa kung saan-saan. Pinag-uusapan ang mga taong mga dumaan. Mga batang umiiyak na naiwan sa habulan. Magjowang mas mabagal pa maglakad kaysa sa amin. Old couples na kilig na kilig kami.

Napahinto siya bigla sa paglakad.

“So tungkol saan ‘yung sinusulat mo ngayon?”

Huminto na rin ako at saka kami napatingin sa paglubog ng araw.

“Sa totoo lang, Seul, wala pa siyang direksyon. Medyo vague pa. Tungkol sa isang couple na maii-stuck sa isang place dahil nagkaroon ng pandemiya.”

“Woah, wait there! I want to read it now.”

“Wait lang, Seul. Wala pa. Chill ka lang!”

“Nakaisip ako ng book cover idea!”

“Okay wait, parang gusto ko na bumalik sa apartment at ituloy ‘yung sinusulat ko.”

“So bakit mo naman biglang naisip na ‘yan ‘yung isusulat mo?”

Napaisip ako sa tanong niya.

“May nabasa lang akong write-up before about Spanish influenza. Actually, naalala ko dun si Edward Cullen.”

Nakita ko siyang natawa pero interesado pa ring makinig.

“Tapos after no’n, nakabasa naman ako ng article about “How to Maintain a Relationship?”, so wala lang, bigla ko lang naisip na what if, ilagay ko sa isang sitwasyon ‘tong dalawang taong ‘to na biglang magkaka-pandemic