Naranasan mo na ba? Yung marka na kailanman hindi naaalis. Yung pasa na akala mo maghihilom kapag nag-iiba na ang kulay, yung parang sa araw na alam mo kung takipsilim na o madaling araw pa lang. Naranasan mo na ba? Yung marka na kahit lumipas na ang ilang taon, naandiyan pa rin. Kapag sumasapit o naaalala mo ang araw na iyon, masakit pa rin. Kasi ako, oo. Naranasan ko na. Yung markang kailanman hindi ko malilimot. Ako si Joohyun Bae at ito ang aking kwento na hanggang ngayon nakamarka pa rin sa puso at isip ko.