[KINABUKASAN]

Nagising si Ryujin hindi dahil sa alarm niya, kundi sa alarm na tumutunog mula sa kabilang kwarto.

"YUNA ANU BA?!" agad na hinanap ni Ryujin yung cellphone ni Yuna para patayin yung alarm nun. "BAKIT BA ANG LAKAS LAKAS NG ALARM MO, HINDI KA NAMAN MARUNONG MAGPATAY!!" hinila ni Ryujin yung kumot na nakatalukbong kay Yuna. "Yuna!" napalingon na lang si Ryujin sa likuran niya nang bumukas yung pintuan ng banyo ni Yuna.

"Anu ba yun, ang aga mo namang mag-ingay." tinali ni Yuna yung buhok niya habang naglalakad papalapit sa kama niya. "Chaer, Chaer anong oras na."

"Late na ba tayo?" wala sa sariling tanong ni Chaeryeong pagkabangon niya.

"Ayos lang naman kung malate tayo, pero baka kasi wala na tayong maupuan mamaya." nag-inat inat si Yuna. "Hmm, nandiyan ka pa pala, hindi ka pa ba aalis?"

"Tss, may dalawang oras pa ako, pero dahil sa alarm mo nasayang yung oras na maitutulog ko pa sana." tumingin si Ryujin kay Chaeryeong. "Morning." sambit nito bago lumabas ng kwarto ni Yuna.

"Ehem, morning daw sabi ni future wife." agad namang binato ni Chaeryeong ng unan si Yuna. "Aray, grabe ka naman. Mauna ka nang maligo, kakain na muna ako."

"Sandali, wala akong kasabay kumain mamaya?"

"Sasabayan ka naman ni Ryujin, sige na see you later." tumakbo na si Yuna palabas ng kwarto niya. "Dad si mom?"

"Hmm, may client siya ngayon, bakit?"

"May laro si Ryujin, hindi siya manunuod?" umupo na si Yuna at agad na kumain.

"Kilala mo naman siya, ako na lang yung manunuod wala naman akong pasok."

"Wala kang pasok o ayaw mong pumasok? Dad magkaiba yun." natawa na lang yung ama nila Yuna. "Dad, what do you think about Chaeryeong?"

"What do you mean?"

"Tingin mo bagay sila ni Ryujin?" tumango yung ama nila Yuna.

"Sa nakikita ko, wala naman na talagang pag-asa na magkabalikan pa sina Ryujin at Lia. Siguro sapat na yung sakit na naranasan niya, para naman magmahal na siya ng iba, well bata pa naman siya to settle in a relationship without assurance that it will be till the end of their lives."

"Sa tingin ko mahihirapan siya, kasi hindi na ata siya marunong ng tamang pag-approuch sa isang babae, nasanay na siya na yung mga babae ang lumalapit sa kaniya." nakaismid na saad ni Yuna.

"Dahil ba sa popularity niya?" nagkibit balikat si Yuna. "Well, ang sabi mo Chaeryeong is Ryujin's huge fan, baka dahil sa ideya na fan niya si Chaeryeong nahihirapan siyang iproseso sa sarili niya kung paano ba siya dapat na makitungo kay Chaeryeong."

"Ako talaga topic niyo para sa breakfast?" umupo na si Ryujin sa tabi ni Yuna.

"Tapos na pala ako, dad." uminom na ng tubig si Yuna tsaka tumayo.

"Hmm, ihahanda ko lang yung sasakyan." tinitigan lang ni Ryujin si Yuna at ang ama nila.

"Weird." nilabas ni Ryujin yung cellphone niya para kumuha ng ilang picture at mai-post niya sa social media accounts niya. "Ahh, mukhang hindi talaga bagay yung lighting." bahagyang tumagilid si Ryujin at tuloy lang sa pagkuha ng litrato niya, halos mabitawan ni Ryujin yung cellphone niya nang makita niya si Chaeryeong sa huling kuha niya. "Ehem."

"Ayos ka lang?" tumango lang si Ryujin bago magsimulang kumain. "Saan ba ako pwedeng umupo?"

"Diyan na lang siguro." tinuro ni Ryujin yung upuan na kaharap niya. "Kumain ka lang, feel at home." binalik ni Ryujin yung atensyon cellphone niya at sinagot yung ilan sa mga text ng kaibigan niya.

*Perfect timing.* bahagyang tinaas ni Ryujin yung cellphone niya at paulit ulit na kinuhaan ng litrato si Chaeryeong.

"Anu ba 'to, tawag nang tawag." pagdadahilan ni Ryujin nang diretsong tumingin si Chaeryeong sa kamera ng cellphone niya.

"Good luck nga pala sa game niyo mamaya." tumango si Ryujin.

"Salamat."

"Iche-cheer nila kayo, don't worry."

"Ikaw?, hindi mo kami iche-cheer?" natawa si Chaeryeong.

"Depende, para kasing nakakahiyang sumigaw."

"Sa umpisa lang naman yan, sa mga susunod may iche-cheer ka na rin sa mga player." ngumiti si Ryujin at tinuloy na yung pag-kain niya.

"Pagkatapos nga pala ng laro niyo, pwede ba tayong mag-usap?"

"Sige lang, kung ganun ka-importante." napayuko si Chaeryeong.

"Sa susunod na lang siguro, hindi naman ganun ka-importante yung sasabihin ko."

"Pero pakikinggan ko pa rin, kasi ikaw mismo, importante ka sa'kin." napalunok si Ryujin ng sarili niyang laway bago yumuko. "Magkita na lang siguro tayo mamaya pagkatapos ng laro namin." uminom na ng tubig si Ryujin at agad na tumayo.

Tumayo na rin si Chaeryeong at umakyat sa kwarto ni Yuna.

"Hmm, tara na ba?" tanong ni Yuna habang inaayos yung buhok niya, hindi naman nakatugon si Chaeryeong dahil iniisip niya pa rin yung mga sinabi ni Ryujin.

Nang makaalis na sila Chaeryeong sa bahay nila Yuna, hindi pa rin makausap nang matino si Chaeryeong.

"Kanina ka pa ganiyan, may nangyari ba sa inyo ni Ryujin?" tanong ni Yuna kay Chaeryeong habang naglalakad sila papuntang gym.

"Ayos lang ako, wala naman." bumuntong hininga si Chaeryeong. "She makes me falling even deeper." bulong ni Chaeryeong bago umiling nang ilang ulit.

"Okay, so what's the thought you're shaking off?"

"Wala nga." ngumuso si Yuna.

"Dapat pala hindi na muna ako umakyat para narinig ko yung pinag-usapan niyong dalawa."

"Wala nga kaming pinag-usapan." natawa si Yuna.

"Imposibleng mangyari yun, si Ryujin pa ba?" bumuntong hininga si Yuna. "Hindi na nga kita pipilitin, pero sabihan mo ako kapag inalok ka niya ulit katulad nung nakaraan, ako mismo sasapak sa kaniya."

"Hmm, oo na."

Pagkapasok nilang dalawa sa sa gym, malapit nang mapuno yung mga upuan, buti na lang nandun na yung mga kaibigan nila.

"Akala ko mamaya pa kayo dadating, makikipag-away na 'tong si Yuri para lang sa pwesto niyong dalawa." sambit ni Minjoo nang makalapit na sina Chaeryeong at Yuna sa kanila.

"Pati ako madadamay pa, sabi ko naman sayo unnie, huwag mo na lang silang pansinin." nakangusong saad ni Wonyoung habang nakatingin kay Yuri.

"Nakakainis kasi, sinabi na ngang may naka-upo na pilit pa rin sila nang pilit." tinignan ni Yuri yung mga babaeng muntikan niya nang makaaway at inirapan ang mga ito.

"Yul, tama na." awat ni Minjoo.

"Paupo." napatingin si Chaeryeong sa babaeng tumabi sa kaniya.

"Hello." wala sa sarili sambit ni Chaeryeong na nag-bow pa kay Hyunjin.

"Hahahahahaha, napaka-pormal mo naman." ngumiti si Hyunjin bago tumingin sa court. "Hindi pa pala nagsisimula, akala ko pa naman late na ako."

"Chaeryeong palit tayo." bulong ni Yuri.

"May Yena ka na diba, tayo na lang Chaer, palit tayo." sambit ni Yuna habang nakahawak pa sa braso ni Chaeryeong.

"Sige, bahala na kayo." sabay namang tumayo sina Yuri at Yuna.

"Hyunjin, pwedeng dito ka na lang sa upuan ni Chaeryeong?" sambit ni Yuna.

"Hmm, sige lang pero ayokong katabi si Minjoo." tumayo na si Hyunjin at umupo sa pwesto ni Chaeryeong.

"Para namang gusto kitang katabi." nakaismid na saad ni Minjoo.

"Chaeryeong dito ka na lang sa pwesto ko." nakangiting saad ni Yuri.

"Ahh, grabe talaga kayong dalawa." hindi makapaniwalang saad ni Wonyoung.

Nang makaupo na silang magkakaibigan sa mga gusto nilang upuan, pumasok na sa court yung players na makakalaban ni Ryujin.

"Wala si Hyunjin?"
"Oo nga noh."
"Bakit hindi siya maglalaro?"

Bulong-bulungan ng mga estudyante nang pumasok na sa court sina Ryujin.

"Ang aga naman ata nilang pinasok sina Yujin at Hyejoo." sambit ni Yuna kaya napatingin si Chaeryeong sa kaniya. "Lagi kasi silang pinapalaro kapag second half na, kapalit silang dalawa nina Yena at Hyewon." tumango si Chaeryeong sa paliwanag ni Yuna.

Nakahanda na si Yujin at yung pinakamatangkad na makakalaban nila sa gitna ng court para sa jump ball, hudyat ng pagsisimula ng laro at ang magiging basehan kung kanino unang mapupunta yung bola.

"Dahil wala ako sa game, hindi pwedeng ipasok sa first half si Yves, hindi rin pwedeng pagsamahin sina Yena at Hyewon." paliwanag ni Hyunjin. "Alam ko nang gagawin ni Ryujin yun, pero hindi ko inaasahan na sa point guard at shooting guard niya ilalagay sina Yujin at Hyejoo." bumuntong hininga si Hyunjin. "Hindi pa nila gamay yung posisyon na yun, paniguradong makakalamang yung kalaban."

"Paniguradong may plano siya, may magandang plano si Ryujin." bulong ni Chaeryeong habang nakatingin kay Ryujin.

Dahil nga shooting guard si Yujin, siya yung pinakamahigpit na binabantayan ng kalaban dahil maari siyang pumuntos ng tres.

"Argh!" halata sa sigaw ni Yujin yung pagkainis dahil hindi pumasok yung bola nang tumira siya ng three point shot.

"Anu man yung pinaplano ni Ryujin, sana gumana." sambit ni Hyunjin.

"Ryujin, sigurado ka ba talaga dito?" tanong ni Yena habang tumatakbo sila papunta sa court ng kalaban.

"Akong bahala." mas binilisan pa ni Ryujin ang pagtakbo.


"Ryu, dose na yung score nila, habang tayo wala pa." sambit ng isa sa teammates nila Ryujin.

"Time out." sambit ni Ryujin sa coach nila, agad naman itong tumango at tumawag ng time out.

"Anim na minuto pa lang bakit tumawag na kaagad kayo ng time out?" sambit ni Hyewon nang makalapit na sina Ryujin sa bench nila.

"Ganito, oras na maka-twenty points na sila Hyejoo, Yujin pumasok na kayo sa ilalim ng court. Yena palitan tayo ng posisyon sa labas, basta gabay lang kayo sa bola kami na ni Yena bahalang pumuntos at kung magiging libre ka Solwa, papasahan ka rin namin ng bola kaya maging atentibo ka. Paniguradong nalito na natin sila sa positioning at nasasanay na sila na nasa labas kayong dalawa, subukan niyo pa rin na pumuntos, mukhang nakampante na sila sa galaw niyong dalawa." mabilis na paliwanag ni Ryujin.

"Hyejoo, Yujin, huwag kayong kabahan hindi naman magaling yung mga yan." saad ni Yves.

"Tss, buti na lang talaga hindi ka kasama sa first five." nakaismid na sambit ni Hyewon.

"Uulitin ko, twenty points ang hudyat natin." nilahad ni Ryujin yung kamay niya na agad namang sinundan ng teammates niya.

"FIGHTING!!" sabay sabay na sigaw nila.

Nang muli nang bumalik yung mga manlalaro sa court, nabawasan kahit papaano yung kaba nina Yujin at Hyejoo dahil may ideya na sila sa plano ni Ryujin.

"Balak ba nilang magpatalo." bulong ni Hyunjin bago bumuntong hininga. "Shin Ryujin."

"Oh, anong nangyari." hindi makapaniwalang sambit ni Chaeryeong nang tumira ng tres si Ryujin na walang nagbabantay sa kaniya.

Natapos ang unang dalawampong minuto ng laro at lamang sila Ryujin ng sampong puntos sa kalaban.

"Ahh, pinakaba niya ako nang sobra." bulong ni Hyunjin.

"Teka, nakalimutan kong mag-cheer." natatawang saad ni Minjoo.

"Sino ba namang makakapag-cheer sa ginawa nila, grabe yung kaba ko akala ko hindi na sila makakahabol ng puntos." bumuntong hininga si Yuri habang nakahawak sa dibdib niya.

Nang matapos na ang kinse minutong pahinga ng mga manlalaro, bumalik na sila sa court na may panibagong set ng manlalaro. Nanatili sina Ryujin, Yujin at Hyejoo sa laro kasama nina Hyewon at Yves.

"Tatlo." saad ni Hyejoo.

"Hmm, hanggang matapos ba yung game?" tanong ni Hyewon, nakangusong tumango si Hyejoo. "Apat ako, kayo?"

"Sagad lima." natatawang tugon ni Yujin.

"Isa." tumingin si Ryujin kay Yves. "Dalawa na pala."

"Alam niyo, ang sasama ng ugali niyo." nakaismid na saad ni Yves bago pumunta sa pwesto niya para bantayan yung kalaban nila.

"Mukhang hindi ka pinasok ni Ryujin kanina, natakot ata sa maiipon mong foul." napakagat si Yves sa labi niya at tinapik yung bola.

*WHISTLE*

"Red 20, defensive foul!" inis na nappabuntong hininga si Yves bago itinaas yung kamay niya.

"Ang aga naman ata." sambit ng kalaban na binantayan ni Yves.

"Kalma lang, tandaan mo hihiwalayan mo si Jiwoo kapag napaaway ka." marahang pinisil ni Ryujin sa balikat si Yves.

"Susubukan ko."


"Hindi talaga siya marunong kumalma, sayang kung hindi niya matatapos yung first game." sambit ni Hyunjin mula sa kinauupuan niya. "Bibili na lang muna ako ng makakain natin, anu bang gusto niyo?" isa isa namang binanggit ng magkakaibigan yung mga gusto nilang bilhin.

Nang makaalis na si Hyunjin, doon pa lang nakapag-cheer nang malakas sila Yuna, maliban kay Chaeryeong.

"Hyewon!!" malakas na sigaw nila Ryujin nang itulak si Hyewon ng nagbabantay sa kaniya.

*WHISTLE*

"Blue 12, flagrant foul!!" nilapitan ni Ryujin si Hyewon.

"Kaya pa?" huminga nang malalim si Hyewon.

"Gagi, nakatingin si Minjoo?" bulong ni Hyewon.

"Huh?"

"Wala." kumapit si Hyewon kay Ryujin para makatayo siya. "Ang sakit." pinagpag ni Hyewon yung likurang bahagi ng shorts niya.

"Makakapaglaro ka pa ba?" tanong ni Ryujin.

"Ako pa ba? Ayos lang ako."

"KANG HYEWON!! FIGHTING!!!" napangiti na lang si Hyewon habang nakatingin kay Minjoo. "KAYA MO YAN!!"

"Tss, Minjoo naman pala." bulong ni Yves bago tignan si Yujin. "Yikes."


"Minjoo, okay na, kumalma ka nakatingin na yung mgaa estudyante sayo." natatawang sambit ni Yuri.

"KANG HYEWON!!! FIGH-ting." napakagat sa labi si Minjoo nang makita niyang nakabalik na si Hyunjin sa pwesto nito.

"Anong meron?" bulong ni Chaeryeong sa sarili niya habang nakatingin kay Wonyoung na nakatingala kay Minjoo na nakatayo, kinalabit ni Chaeryeong si Yuna. "Magkakaroon ata ng away." tinuro ni Chaeryeong si Wonyoung.

"Hindi yan, kasalanan niya rin naman, dahil si Yujin yung pilit niyang ginugusto." bulong ni Yuna kay Chaeryeong.

Hanggang matapos yung laro nila Ryujin, nakabantay lang si Chaeryeong kay Wonyoung, hindi dahil sa ideya na baka mag-away sila ni Minjoo, kundi sa ideya na baka bigla na lang siyang umiyak habang pinapanuod na i-cheer ni Minjoo si Hyewon.


"Naghintay ka ba ng matagal, nakatulog kasi ako pagbalik namin sa locker room tapos naligo pa ako." yumuko si Chaeryeong bago harapin si Ryujin.

"Kakarating ko lang naman dito, nahirapan kasi akong magpaalam kela Yuna." ngumiti si Chaeryeong. "Handa ka ba?" napahawak si Ryujin sa strap ng barrel bag niya.

"Saan?"

"Sa mga dahilan na sasabihin ko sa tuwing magtatanong ka sa'kin, pwedeng totoo yung mga sasabihin ko pero pwede ring kasinungalingan." natawa si Ryujin.

"Anu bang sinasabi mo, may dapat ba akong gawin?"

"Yung tungkol sa alok mo, tatanggapin ko na." bahagyang napaatras si Ryujin sa narinig niya.

"Hindi naman kita pinipilit na pumayag, pero mali kasi talaga na inalok kita nang ganun, kaya kahit na gusto ko hindi pa rin tama."

"Sige ganito na lang, ako na yung mag-aalok sayo." lumapit si Chaeryeong kay Ryujin. "Hindi ko alam kung anong dahilan kaya inalok mo akong maging fake girlfriend mo, pero wala akong pakialam dun. Ang mahalaga sa'kin ngayon, yung dahilan ko kung bakit ako pumapayag sa alok mo."

"Pero.... paano kung..." huminga nang malalim si Ryujin. "... kung maging totoo na may nararamdaman na tayo sa isa't isa?"

"Edi ituloy natin yung nasimulan natin, wala namang masama dun, diba?"

"Kung napipilitan ka, ayos lang naman kung hindi ka na pumayag." yumuko si Ryujin. "Napag-isip isip ko kasi, baka sobra kitang masaktan sa huli."

"Huwag kang mag-alala, sanay na akong masaktan."

"Chaer?" ngumiti si Chaeryeong at muling naglakad palapit kay Ryujin.

"Papayag ako sa alok mo, pero sa isang kondisyon." tumango si Ryujin. "Let's keep it to ourselves, in case it doesn't work out, no ones gonna know."

"Chaer, bakit ka pumayag?"

"Gusto mo talagang malaman?" tumango si Ryujin. "Yung katotohanan o yung kasinungalingan?"

"Chaeryeong?" ngumiti si Chaeryeong.

"Kasi hindi ko alam kung hanggang kailan mo pa ako magiging fan, parang nawawalan na kasi ako ng gana na suportahan ka." natawa si Ryujin.

"You're kidding, right?"

"Do I look like I'm kidding?" yumuko si Ryujin.

"May gusto ka ba kay Yeji?" hindi sumagot si Chaeryeong kaya tinignan siya ni Ryujin. "May gusto ka ba kay Yeji?"

"Bakit naman siya nasali sa usapan natin?"

"Huwag na lang siguro natin ituloy." ngumiti si Ryujin. "Maganda yung intensyon ko kaya kita inalok nang ganun, pero kung gagamitin mo lang ako, huwag na lang." tumalikod na si Ryujin at nagsimulang maglakad.

"Gagamitin mo lang din naman ako, paanong naging magandang intensyon yun?" huminto si Ryujin sa paglalakad. "Magpapagamit na nga ako sayo, ayaw mo pa?" pumikit si Ryujin bago huminga nang malalim.

"Mag-ingat ka sa pag-uwi." tumuloy na sa paglalakad si Ryujin hanggang sa makarating siya sa parking lot.

"Ryu, akala namin umuwi ka na." nakangiting salubong ni Yves kay Ryujin.

"Sasama ka ba?" tanong ni Yena. "Libre namin, dahil nanalo ka sa pustahan na dalawa lang yung magiging foul ni Yves."

"Pumunta na lang kayong dalawa sa bahay bukas para sa project natin, uuwi na ako." nagkatinginan sina Yena at Yves.

"Teka, hoy ayos ka lang?" lalapitan na sana ni Yves si Ryujin nang paandarin na nito ng mabilis yung motorbike niya.

"Ahh, hayaan na lang natin, tara na baka maubos nila yung pagkain." nauna nang maglakad si Yena, nang mapansin niyang hindi naglakad si Yves nilingon niya ang huli.

"Sandali, anu bang kailangan niyo?"

"Yves!!" tawag ni Yena sa kaibigan nang bigla itong tumakbo palapit sa mga estudyanteng nagkukumpulan.

"Totoo ba na ikaw yung girlfriend ni Ryujin?"
"Kaya ka ba lumipat dito, dahil sa kaniya?"
"Sino talaga yung girlfriend ni Ryujin, ikaw ba o si Lia?"

"Makikiraan lang." pwersahan na sumiksik si Yves sa mga estudyanteng nakapalibot kay Chaeryeong. "Abutin mo yung kamay ko." saad ni Yves nang hindi niya magawang makalapit kay Chaeryeong dahil pinipigilan siya ng mga estudyante. "Pasensya na lang kung masasaktan ko kayo ah." nag-ipon ng lakas si Yves at tinulak na yung mga estudyanteng nakaharang sa harap niya. "Tara na." hinila niya sa kamay si Chaeryeong at mabilis na tumakbo.

"Anong meron?" tanong ni Yena bago sumabay sa pagtakbo nina Yves at Chaeryeong.

"Dito na muna tayo magtago." sambit ni Yves na hilala hila pa rin si Chaeryeong.

Nang makapagtago na silang tatlo, habol hiningang napaupo sa lupa sina Yena at Yves.

"Anu bang nangyari?" habol hiningang tanong ni Yena.

"Hindi ko rin alam kung anong gusto nung mga estudyanteng yun, ayos ka lang?" saad ni Yves habang nakatingala kay Chaeryeong. "A-anong nangyayari sayo?" tumayo na si Yves para hawakan yung nanginginig na mga kamay ni Chaeryeong. "May masakit ba sayo?"

"W-wala... kaming re.... relasyon ni Ryujin.... wala."

"Ihatid na lang siguro natin siya sa bahay nila." saad ni Yena habang tinitignan nang mabuti si Chaeryeong.

"Dala mo ba yung sasakyan mo?" tinignan ni Yena si Yves.

"Huh?"

"Dala mo ba yung sasakyan mo?" ilang ulit na pumikit si Yena at huminga nang malalim. "Yena?"

"Ah-yung.... yung sasakyan ko..." huminga nang malalim si Yena. "Nasa.... nasa bahay hindi ko dala." lumunok si Yena nang ilang ulit bago umatras palayo kay Chaeryeong.

"Saan ka pupunta, tulungan mo ako dito, hindi ko alam kung saan nakatira si Chaeryeong." parang namamalikmata na umatras si Yena bago tuluyan na maglakad palayo sa dalawa. "Anu bang nangyayari sa inyo?" kinuha ni Yves yung cellphone niya para tawagan si Jiwoo. "Sagutin mo naman." napatingin na lang si Yves kay Chaeryeong nang mawalan ang huli ng balanse. "Pumasan ka na lang sa'kin, bakit naman kasi bigla na lang umalis si Yena." tumalikod si Yves kay Chaeryeong para ipasan sa likuran niya ang huli.

"Yves?" agad na nilapitan ni Jiwoo si Yves. "Saan ka galing, kanina ka pa namin hinihintay."

"Patulong naman muna, nakatulog na si Chaeryeong habang papunta kami dito."

"Anu bang nangyari?" tanong ni Jiwoo habang inaalalayan si Chaeryeong.

"Diba hinihintay namin si Ryujin, pero nung makalabas na siya ng school, badtrip ata. Tapos nakita ko si Chaeryeong na pinagkakaguluhan ng mga estudyante at tinatanong siya nang kung anu-ano, kaya tinakbo ko siya." huminga nang malalim si Yves. "Hindi ko alam kung anong nangyari sa kaniya, basta nangiginig yung mga kamay at balikat niya." umupo si Yves para tuluyan na makapag-pahinga.

"Tatawagin ko lang sila Yuna." paalam ni Jiwoo bago pumunta sa pwesto nila kasama yung teammates ni Yves.

"Anong nangyari?" hinawakan ni Yuna sa mukha si Chaeryeong.

"Nakatulog siya pagkatapos niyang umiyak, nanginginig din siya kanina." paliwanag ni Yves.

"Her panic attacks." hinawakan ni Yuna yung kaliwang kamay ni Chaeryeong. "Chaer? Chaer?" nagising si Chaeryeong at agad na yumakap kay Yuna. "Hmm, I'm here."

"Kasama niyo ba si Yena kanina?" tanong ni Yuri kay Yves.

"Hmm, bigla na nga lang siya umalis na parang takot na takot."

"Traumatised lang siya, her mom also suffered from panic attacks." kumunot yung noo ni Yves.

"Hindi ko alam."

"Kailan ko lang din nalaman."

"Ako na lang siguro maghahatid kay Chaeryeong-unnie, uuwi na rin naman ako." saad ni Wonyoung.

"Hmm, mag-ingat kayo." nilahad ni Yves yung kamay niya kay Chaeryeong. "Aalalayan na kita." tinanggap naman ni Chaeryeong yung alok ni Yves.

"Salamat." nakayukong sambit ni Chaeryeong.

Tahimik lang sina Chaeryeong at Wonyoung habang nakasakay sila sa sasakyan, gusto mang magtanong ni Chaeryeong hindi niya rin alam kung paano.

"Someone's waiting for you." saad ni Wonyoung bago pa sila makarating sa harap ng bahay ni Chaeryeong. "Gusto mo bang samahan kita?"

"Ayos lang ako, ingat." yumakap si Chaeryeong kay Wonyoung bago bumaba ng sasakyan.

"Hi?" nag-bow si Chaeryeong.

"Anong ginagawa mo dito?"

"Naisip ko lang kasi, baka pwede na natin ituloy yung project natin. Baka kasi maging busy ako lalo sa mga susunod na araw, ayos lang ba sayo?" tumango lang si Chaeryeong bago buksan yung pintuan ng bahay niya at papasukin si Yeji.

"Umupo ka na lang muna diyan, kukuha lang ako ng maiinom." tumango lang si Yeji bago ilapag sa upuan yung mga gamit nila para sa gagawin nilang project. "Kanina ka pa ba naghihintay sa labas?"

"Hindi naman, saan ka nga pala galing?"

"Sa school, tapos dumaan ako sandali kung saan nag-celebrate sila Hyunjin." tumango si Yeji. "Magbibihis lang ako, kung gusto mo ng pagkain, kumuha ka na lang sa kusina." tumakbo na si Chaeryeong paakyat sa kwarto niya. "Chaer, calm down, you have to calm down."

Mabilis na kumilos si Chaeryeong sa paglilinis ng kwarto niya, hanggang sa makapag-bihis na siya ng pambahay.

"Bigla atang nagbago yung pakikitungo mo sa'kin." tinignan ni Chaeryeong si Yeji. "Tuloy tuloy na ba yan, o pakitang tao lang dahil walang ibang tao na nakakakita satin?" tumawa si Chaeryeong.

"Anu bang sinasabi mo?" umupo na si Chaeryeong sa sahig bago kuhain yung mga gamit nila. "Sinabi ko naman sayo na ayos lang kung hindi mo ako matulungan, kaya ko naman tapusin 'to na ako lang mag-isa." tumango si Yeji bago umupo sa sahig.

"Pero magkasama tayo sa grupo." lumapit si Yeji kay Chaeryeong. "Huwag kang mag-alala hindi naman kita sasaktan kung tayong dalawa lang yung magkasama." pinatong ni Yeji sa balikat ni Chaeryeong yung baba niya. "Hindi naman ako ganun kasama." bahagyang umatras si Chaeryeong palayo kay Yeji.

"Yeji, akala ko ba tatapusin natin yung project." ngumiti si Yeji.

"Hmm, pwede naman natin tapusin yan sa mga susunod na araw." hinila ni Yeji sa kamay si Chaeryeong. "Gusto mo bang kumalat sa campus natin, kung sino ka talaga?"

"Yeji anu ba, nasasaktan na ako."

"Hindi ka masasaktan kung marunong kang sumunod sa gusto ko." tinulak na ni Chaeryeong si Yeji.

"Yeji anu ba, mali kasi, sobrang mali." bumuntong hininga si Yeji bago tumango.

"Sorry." umayos na nang pagkakaupo si Yeji at sinimulang ituloy yung paggawa sa project nila ni Chaeryeong.


Sa ilang na oras na paggawa nina Chaeryeong at Yeji sa project nila, hindi mawawala kay Chaeryeong ang pagkailang kay Yeji, lalo na sa tuwing magkakalapit o magkakadikit silang dalawa.

"Ayos lang naman kung dito ka na matulog." nakayukong saad ni Chaeryeong.

"Sa susunod na lang siguro, i-lock mo yung pintuan at yung mga bintana pag-alis ko." pilit na ngumiti si Yeji bago lumabas ng bahay ni Chaeryeong.

Gaya nang sinabi ni Yeji, sinara at nilock muna ni Chaeryeong yung mga pintuan at bintana sa bahay niya bago humiga sa kama niya.

"Why do I feel like I'm cheating!!" napa-iling si Chaeryeong. "Chaeryeong anu ba!!" muling bumangon si Chaeryeong at pumwesto kaharap ng computer niya para maalis si Ryujin sa isip niya.


---------------------------

[KINABUKASAN]

Maagang bumangon si Ryujin para ituloy yung pag-uukit niya sa project nila. Hindi na napansin ni Ryujin yung paglipas ng oras, huminto lang siya sa ginagawa niya nang dumating na sila Yena at Yves.

"Mukhang malapit nang matapos yan." tinanguan lang ni Ryujin si Yves.

"May balak ka bang magpahinga muna?, kami nang bahala dito." saad ni Yena.

"Ayos lang ako, mamaya na ako kakain."

"Ryu, may problema ba?" umiling si Ryujin. "Pwede mo naman kaming sabihan, huwag kang mag-alala makikinig talaga kami sayo." dagdag ni Yves.

"Ayos nga lang ako." hinubad ni Ryujin yung eye protector niya. "Pagplanuhan niyo na lang yung paglalagay niyo ng ilaw dito sa magiging project natin." uminom si Ryujin sa tumbler na dala niya.

"Ryujin-ah!" halos maibuga ni Ryujin yung laman ng bibig niya dahil sa gulat, ganun na din dahil sa babaeng nakita niya. "May dala nga pala akong pagkain, sabi kasi ni Hyunjin hindi pa raw kayo nag-aalmusal."

"Yown, kain muna bago mapagod." kinuha ni Yena yung mga plastic bag na dala ni Heejin. "Si Hyunjin nga pala?"

"Babalikan na lang daw niya ako mamaya, congrats nga pala sa game niyo kahapon. Bakit naman kasi may pasok yung araw ng game niyo, hindi tuloy ako nakapunta."

"Ayos lang, hindi rin naman nakapaglaro si Hyunjin." natatawang saad ni Yves.

"Sa bagay, pero diba chance na nga namin yun para magkasama kaming manuod ng laro niyo." kumuha ng mauupuan si Heejin.

"Wow, sweet." nakangusong sambit ni Yena bago buksan yung lalagyanan ng pagkaing dala ni Heejin.

"Maiwan ko na muna pala kayo, babalik na lang ako dito mamaya, sasama lang ako kela Yuna at may problema daw si Wonyoung."

"Ayos ka lang?" tanong ni Yves kay Ryujin nang makaalis na si Heejin.

"Hmm, nagulat lang ako nung nakita ko siya." kumuha na rin ng pagkain si Ryujin sa plastic bag na dala ni Heejin at sinabayan yung dalawa sa pag-kain.


Nang matapos na silang tatlo sa mga kailangan nilang gawin sa project nila umuwi na sina Yves at Yena, nanatili lang si Ryujin sa garahe nila para ituloy yung pag-uukit sa sasakyan nila.

"Pwede ba kitang kausapin?" tinignan ni Ryujin si Heejin bago tumango. "Galit ka pa rin ba kay Hyunjin?"

"Sinabi niya ba sayo?"

"Hindi naman, pero tuwing napag-uusapan ka kasi namin, paulit-ulit lang yung sinasabi niya. You're doing fine and enjoying your last year in high school." natawa si Ryujin. "Bakit?"

"Enjoying?, gusto ko na nga lang mag-drop out."

"Dahil ba kay Yeji at Lia?" bumuntong hininga si Ryujin bago itabi yung ginagawa niya.

"Ewan ko rin, siguro naiinggit lang ako kasi masaya silang dalawa, ata."

"At ikaw?"

"Obvious naman diba, kaya ka nga pinapunta ni Hyunjin dito, kasi alam niyang magsasabi ako sayo." tumango si Heejin.

"Magkukwento ka ba sa'kin? " umiling si Ryujin.

"Ayoko nga, tsaka paniguradong ganun pa rin naman yung mangyayari kahit sabihin ko sayo."

"Ayos lang naman kung hindi ka na magsabi sa'kin, pero minsan kasi mahirap na kinikimkim mo lang yan sa sarili mo. Sana kapag kaya mo na huwag kang mahiyang lumapit, kahit hindi na sa'kin marami ka namang mga kaibigan na pwedeng makinig sayo." ngumiti si Heejin. "Mauuna na ako, nandiyan na kasi si Hyunjin, magpapaalam lang ta