"Dun na ba kita ibaba sa bahay nila Ate Tiffany o sa bahay nyo muna para makapagbihis ka?" tanong ni Seulgi pagpasok ng street nila.

"Deretso na lang dun mahal kasi nagiintay na si Tita Eula."

Pagdating nila sa bahay nila Tiffany balisa na si Joohyun.

"Samahan na lang kaya kita?" alok ni Seulgi.

"Hindi na po. Hindi naman na siguro babalik si lola."

"Sige pero pag kailangan mo ko text mo lang ako ah? Sunduin kita."

Kumatok si Joohyun at agad naman siyang pinagbuksan. Mukhang nagiintay talaga sa kaniya ang Tita Eula niya.

"Joohyun, sabayan mo na akong mag-dinner. Mamaya pa ang uwi ng Tito Rey mo, ang ate mo naman may biyahe." sabi ng tita niya.

Habang kumakain sila inoobserbahan ni Joohyun ang tita niya. Wala naman siyang nakitang unusual kaya she let her guard down for a bit.

Nung nawala na ang kaba at akala niya na normal dinner lang ito tsaka naman nagsalita ang nanay ni Tiffany.

"Pinuntahan ko ang lola niyo."

Parang bangungot na pilit gumigising si Joohyun pero hindi niya magawa. 

Tumingin sa kaniya ang tita niya. "Nagpunta ako para kausapin siya. Para ipaliwanag na hindi sinasadya ni Rey ang mga nasabi niya." 

"Pero Tita, si Tito Rey na po ang mismong nagsa..." bago pa matapos ni Joohyun ang sasabihin nagsalita na ulit ang tita niya. 

Umiling ito at hinawakan ang kamay niya. "Hindi mo naiintindihan, Joohyun." huminga ng malalim ang tita niya. "Kakailanganin namin ang perang yun."

Naguguluhan si Joohyun sa mga naririnig niya. 'Bakit ganito ka-seryoso ang tono ni Tita Eula? Hindi ba nasabi na ni Tito ang dahilan niya?' naisip ni Joohyun. 

"Tita...pero yun po ang kagustuhan ni Tito Rey. Sa tingin ko po wala akong magagawa..."

"Meron, Joohyun. Meron. Ikaw lang ang makakatulong sa amin."

"Di ko po naiintindihan, Tita." naguguluhang tanong niya.

"Nagmamakaawa ako. Hiwalayan mo na si Seulgi. Yun lang ang kundisyon ng lola mo." malungkot na sabi ni Tita Eula.

Nagulat si Joohyun. Hindi siya makapaniwalang aabot sila sa ganitong usapan. Ganun ba kalaki ang interes ng tita niya sa pera? Hindi niya akalain.

"Tita, pasensya na po pero gaya ng sabi ko kay lola hindi ko magagawa yan." tumayo na si Joohyun dahil ayaw na niyang marinig pa ang sasabihin ng tita niya.

"May sakit ako, Joohyun." sabi ni Tita Eula.

Napatigil sa paglalakad si Joohyun. Nilingon niya ang nanay ni Tiffany nakayuko ito at tahimik na lumuluha.

Tahimik na bumalik si Joohyun sa kinauupan niya kanina. "A-ano pong sakit niyo Tita? Ano pong sabi ni Tito Rey?"

"May kailangan daw operahan. Hindi ko na masyadong naintindihan dahil natakot ako sa sinabi ng doktor." tinignan ni Tita Eula si Joohyun para tignan ang reaksyon nito.

"Ano pong sabi ni Tito Rey? Ni Ate Tiffany?"

"Hindi pa nila alam. Sasabihin ko na dapat pero biglang dumating ang lola mo. Nawalan na ako ng pagkakataon. Malaman man niya kilala ko ang asawa ko. Hindi magbabago ang isip nun. Sigurado akong magpapakalunod sa trabaho si Rey para lang masuportahan ang gamutan."

Di alam ni Joohyun anong dapat sabihin. Pinaglalaruan na ata talaga siya ng tadhana.

"Ang ate mo kakabalik pa lang sa trabaho. Kakayanin naman siguro namin ang gastos pero hindi ko maatim na ipapasan sa kanilang dalawa 'tong problema na gayong may mapagkukunan naman kami ng pera." 

"Nurse ka, alam mo kung gaano kahirap ang pinagdadaanan ng may sakit at ng pamilya. Ayaw ko ng dagdagan ang bigat ng sitwasyon. Kung tutuusin hindi naman kami dapat madamay sa problema niyo. Sana naiintindihan mo."

'Hindi naman ako masamang tao pero bakit nangyayari sa akin 'to?' tanong ni Joohyun sa sarili.

"Tita, hi-hindi ko po alam." tumayo si Joohyun at mabilis na naglakad palabas. Hindi siya makahinga para siyang sinasakal ng bagong problemang dumagdag.

1 new message from My love

My love: mahal, nakauwi ka na?

Nagtext si Seulgi kay Joohyun para alamin kung nakauwi na ba ang girlfriend. Ang usapan nila kanina ay ia-update siya once na makauwi si Joohyun pero tatlong oras na ang nakakaraan wala pa rin siyang natatanggap na message. 

Nilapag niya ang cellphone sa tabi. Umaasang magrereply si Joohyun agad. After a few minutes tumunog ang phone niya. She sighed in relief nung naka-receive siya ng message. 

"Sa wakas nagtext din." sabi ni Seulgi 

Pero nawala ang ngiti niya sa nabasa. 

1 new message from Tita Jean

Tita Jean: Seulgi, may dinaanan ba kayo ni Joohyun? Anong oras kayo makakauwi? Di sumasagot sa text ko nakatulog ba sa biyahe yang batang yan? 

Nagmadaling i-dial ni Seulgi ang number ni Joohyun. 

'The number you dialed is out of coverage area.'

Naka-off ang phone ni Joohyun kaya tinext na lang niya ito hoping na mabasa ang message niya once na i-on na ni Joohyun ang phone. 

My love: Hyun, nasan ka? Susunduin kita. Nagtext si Tita Jean di ka pa raw umuuwi. Replyan mo naman ako, please. 

Wala siyang na-receive na reply kaya lumabas na siya agad. 

"Ma, lalabas lang po ako susunduin ko si Hyun."

"Solgeee, gabi na. Bumalik ka agad ah." bilin ng nanay niya. 

Una niyang pinuntahan ang bahay nila Tiffany.