"Anong nakain mo't napadalaw ka?" salubong sakanya ni Irene, nang makalapit ito sa table kung saan naka pwesto si Seulgi. Ilang minuto nalang at matatapos na siya sa shift niya.

Nabusy sila kanina kaya ngayon lang siya nagkaroon ng chance na makausap si Seulgi.


"Hmm? Nagkataon lang na napadpad ako dito.. " kibit balikat na sagot ni Seulgi, "Galing akong vet, tapos nagutom ako, masama ba kumain Ms.?"


Inirapan lang siya ni Irene, "Hindi mo naman kailangan hintayin ako."


"Hala sino nagsabing inaantay kita?" pang- aasar ni Seulgi, "May free wifi eh, bakit di ko nalang sulitin?"


"Ahh.. ganon?" patango- tangong sagot ni Irene sakanya, naka taas ang mga kilay, "Sige, umuwi ka mag- isa mo."


"Hooy! Nagbibiro nga lang!" biglang bawi ni Seulgi nang akmang aalis na si Irene sa harap niya.


"Papasama kasi ako.. hehe.." pag- amin niya sabay peace sign, "Bibili ng mga gamit.. nila." turo niya sa dalawang pusa na ngayon ay nasa loob na ng carrier.


"Ahh.." saglit na napaisip si Irene, may mga homework pa kasi siyang gagawin. Napa buntong hininga nalang sabay sabing 'sige.' Sabagay, tinulungan naman siya nong isa sa mga homework niya nung isang araw.


Maya- maya bumalik na siya sa may counter, kung nasaan si Wendy.


"Talagang inantay ka pa, ano?" aniya ni Wendy nang makalapit si Irene, "Whipped.." dagdag pa niya nang may pag- aasar.


"Hoy tigilan mo nga ako.." mahinang hampas sakanya ni Irene, natawa lang ang hinampas.


"May sasabihin ako.." mahinang sabi niya saka sumenyas na lumapit ng bahagya, na sinunod naman ni Irene.


Inakbayan ni Wendy saka saglit na napalingon sa direksyon ni Seulgi na nagtatakang pinagmamasdan sila, napa- smirk bago sinabi ang mga katagang, "Jowain mo na teh.."


Agad na napapiglas si Irene sa pagkaka- akbay ni Wendy saka hinampas ito sa braso, "Hoy ano ka ba??" namumula niyang sabi saka dumeretso na ng staff room para magbihis.


Napa- kibit balikat lang si Wendy habang pinipigilan ang sarili na matawa ng malakas.


Mga ilang sandali bumalik na si Irene, dala- dala na yung bag niya. Sakto namang end na rin ng shift nilang dalawa. Inaantay nalang yung papalit sakanila.


"Mauuna na ako Wends, hindi na muna ako mag- oovertime. May aasikasuhin pa kasi akong importante." paalam ni Irene sakanya.


"Ahh sige sige.." nakangiting sagot ni Wendy, "Uwi na rin ako pagdating ni Nabong.. Ingat kayo.." kaway niya kay Irene at Seulgi.


"Saan mo ba balak bumili?" tanong ni Irene nang makalabas sila ng shop, hawak niya yung isang pet- carrier.


"Kaya nga mag- papasama ako sayo." nilingon siya ni Seulgi, "Ikaw may alam ng pasikot- sikot dito.."


"Ano ka, batang maliit?"


"Mahirap na, baka ma- abduct pa ako. Mahal ransome ko.."


"Baliw ka ba?"


Nagkibit- balikat lang si Seulgi.


"Sa kabilang kanto, may pet sho