Siguro nga iba talaga yung feeling pag may kulang sa tropa. Hindi naman ganito dati, kuntento na si Lisa na kumakain siya ng lunch kasama si Rose, who is her friend since high school. Pero ngayon, wala si Jennie. It’s the first time na walang nangungulit sa kanya. Ika nga nila, absence makes the heart grow fonder.

Binilisan ni Lisa ang pagkain sa tapsilog na nilibre sa kanya ni Seulgi. Feeling niya nga hindi niya nanguya ng maayos yung tapa. Buti na lang at may kasamang panulak. Boss Seulgi never disappoints. Ang swerte na naging tropa niya ang tropang paa, dahil sobrang generous nila. Parang araw-araw na lang may libre dahil kay Seulgi at Wendy. Hindi naman sa anti-social siya, pero medyo shy type nga siya. She finds it hard to approach other people first. Nang maging close siya kay Seulgi, nakikita niya na nag-iimprove na siya. She’s starting to step out of her comfort zone.

Kung hindi man siya matunawan, eh bahala na. Nagmasid siya, ang bagal kumain ng mga kupal, tipong kalahati pa lang ng kanin yung nakakain nila.

Siguro nga ito na yun. Alam niya na type siya ni Jennie. Masyado namang obvious, first meetup pa lang nila, eh mukhang binabakuran na siya nito. Of course, di naman niya masyado pinansin at first, at baka nag-aassume lang siya. Pero lately, iba na yung pakiramdam niya. Nadedevelop na nga ata siya para kay Jennie, little by little. Iba talaga pag may pumu-push na tropa. Di niya alam kung peer pressure pa ba ito, bahala na.

“Pasensya na mga lods, may gagawin lang.” Paalam ni Lisa at kinuha ang kanyang backpack. Dumaan pa siya sa cashier bago lumabas ng cafeteria para bumili ng ice pop.

Tanghaling tapat at sobrang init nang matanaw niya si Jennie na nagtuturo ng choreo sa groupmates niya. Pawis na pawis, pero para kay Lisa, Jennie looks like glistening in the sun. Puta, vampire ba yun? Pawis lang yun eh. Iba na nga ata yung tama niya.

Umupo siya sa bleachers, malapit kung saan nakatambak yung bag ni Jennie. Shet, ice pop isn’t a good idea. Halos mafeel niya na tunaw na yung kalahati nito sa loob ng plastic. Kumaway siya kay Jennie nung napalingon ito sa kanya.

Nginitian siya nito at tinigil yung music. Patay na patay talaga sa kanya ito. Ititigil lahat para sa kanya.

Tumayo si Lisa, sinalubong si Jennie ng lakad. “Bumili ako ng ice pop eh, kaso tunaw na ata ‘to.” Sabay bigay niya kay Jennie.

“Sakto ‘to ang init-init kaya.” Binuksan ni Jennie yung ice cream stick at kumagat dito. “Wala sila? Kala ko lunch.” Tanong niya.

“Ah, nauna ako kumain eh.” Sagot ni Lisa. Di niya lang masabi na binilisan niya talaga kumain para icheck si Jennie.

“Wala kang klase?” Curious na tanong ni Jennie. Syempre matagal niya ng dibs ‘tong si Lisa kaya kilog [ki-log: kilig itlog] siya.

“Two hours vacant,” sagot lang ni Lisa. Para kunyare pacool ng konti.

“Oh, okay. I have to get back.” Tinapon na ni Jennie yung balat ng ice pop stick niya at bumalik sa practice.

Puta, totoo nga ang titigas ng katawan ng groupmates ni Jennie. Nakuha na lang sa mukha. Sa isip-isip ni Lisa, this won’t work. Kaya tumayo na siya from the bench she was watching from and went for it.

“Try niyo kaya kumendeng ng konti, mga teh.” Nag-demo pa si Lisa kung paano kumendeng ang totoong dancer. Pero boss Seulgi is still the best. Idol niya talaga sumayaw yun.

Natapos na ang two-hour vacant period ni Lisa. Konti na lang baka mabali na buto niya kakaturo kung paano kumendeng ng malupet.

---

Iniwan ni Lisa kanina si Jennie sa field dahil may klase pa siya. Kaya laking gulat niya nang makita si Jennie na nagpa-practice pa rin sa same spot. Ngayon lang ata di sumabay si Jennie kila Seulgi. Pahamak talaga ‘tong PE ni Miss Sunny, pinapahirapan bebe niya.

“Jen!” Medyo patakbong lumapit si Lisa papunta sa spot. “Di pa kayo tapos?”

“Last na. Pa-evaluate naman kung oks na.” Pagod na sabi ni Jennie.

Nanood si Lisa sa last set nila. Mukhang okay naman. Kahit papano kahit di na magaling kumendeng yung groupmates ni Jennie na sila Jongyeon at Nayeon, nakakasabay naman na sa rhythm. Not bad for today.

Nag-ok sign na lang si Lisa. Kinuha niya na rin yung gamit ni Jennie. “Tara na. Libre kita.”

Nag-bye lang si Jennie sa groupmates niya dahil feeling niya once in a lifetime lang mangyayari na ililibre siya ni Lisa. Could this be counted as a date? Okay sana kung di siya amoy pawis eh. Pero this will do. Kukunin na sana niya yung bag niya from Lisa nang nilihis ito.

“Ako na.” Ngumiti lang si Lisa. “Pagod ka na eh. Dadalhin ko na para sayo.” Nag-umpisa na siya maglakad.

Buti na lang at malayo yung gate sa field. At least Jennie could savor the moment na naglalakad sila side by side ni Lisa. First time ito na silang dalawa lang. First time niyang makaka-hang out si Lisa na silang dalawa lang.

Pagdating nila sa gate, nandun yung cart ni manong.

“Ruby Jane, kumakain ka ng kwek-kwek?” Tumingin si Lisa sa mga mata ni Jennie. Ang laki pala talaga ng mga mata nito. Parang nag-sparkle.

“Oo naman.” Sagot ni Jennie. “Manong, dalawang order po. Saka dalawang gulaman.” Di naman siya masyado nakakakain dito kahit gusto niya. Masyadong maarte si Irene para sa mga ganitong street food. Simula nang mabarkada siya dito, panay pang-burgis na rin yung lagi niyang kinakain dahil sa best friend niya.

“Ayy, wow. Same-same.” Parang lalong tinamaan si Lisa kasi walang arte si Jennie. Akala niya mamumulubi na siya sa